Um námskeiðið
Námskeiðið veitir nemendum betri undirstöðu í íslenskri málfræði fyrir unglingastig grunnskóla. Lögð er áhersla á það námsefni sem flestir nemendur eiga erfiðara með. Námsefnið verður kynnt á skýran, hnitmiðaðan og aðgengilegan máta með bæði skemmtanagildi og fræðslu í huga.
Leiðbeinandi
Oddur Örn nemur íslensku við Háskóla Íslands og stefnir á að taka BA próf þaðan. Hann kláraði stúdentspróf frá Menntaskólanum í Reykjavík.
Oddur spilar á píanó og semur víða flóru af alls kyns raftónlist, allt frá hip-hopi og poppi yfir í house og harðkjarna teknó. Hann var meðlimur 200 Mafíunnar, rapphljómsveitar sem komst meðal annars í úrslit Músíktilrauna 2018.
Oddur er uppalinn í Kópavogi og hefur búið þar alla ævi. Áhugi hans á íslenskunni kviknaði þegar hann var ungur pjakkur í Kópavogi og las hann mikið af ljóðum og skáldsögum.
Á unga aldri heillaði ljóðlistin hann og hefur þekking hans og áhugi á tungumálinu nýst honum jafnt til náms og til félagslífs.
Oddur stefnir á að verða kennari þegar hann hefur lokið námi sínu við Háskólann.