Stærðfræði fyrir miðstig 1
Allt það helsta í skemmtilegum myndböndum
Horfa á kynningarmyndband Skrá mig í námskeið
Um námskeiðið
Í þessu námskeiði læra nemendur um þau grunnhugtök sem stærðfræðikennsla miðstigs grunnskóla byggir á.
Í námskeiðinu er meðal annars tugakerfinu gerð greinargóð skil. Einnig er snert á tölfræðihugtökum eins og miðgildi og tíðasta gildi.
Þá er farið djúpt í saumana á tugabrotum og almennum brotum. Nemendur læra í framhaldinu hvernig stærðfræðiaðgerðum er beitt á þau.
Rúmfræði er einnig tekin fyrir í námskeiðinu og hugtök eins og speglun, hliðrun og snúningur eru útskýrð á einfaldan hátt.
Nemendur læra um hin ýmsu rúmfræðiform og hvernig á að reikna ummál, flatarmál og stærð horna þeirra.
Byrjaðu núna!
Leiðbeinandi
María ólst upp í Grafarvogi og hefur alla tíð búið þar.
Vorið 2019 útskrifaðist María úr Verzlunarskóla Íslands af náttúrufræðibraut. Þaðan lá leið hennar beinustu leið í Háskóla Íslands þar sem hún hóf nám við hagfræðideild skólans haustið 2019.
Meðal áhugamála Maríu eru tónlist, kvikmyndir, lestur og skrif. Hún er metnaðarfull og samviskusöm og leggur sig alla fram í þeim störfum og verkefnum sem hún tekur sér fyrir hendur.
María hlaut viðurkenningu fyrir framúrskarandi námsárangur þegar hún útskrifaðist úr grunnskóla með einkunnina A+ í 10. bekkjar stærðfræði.
„Undirritaður kenndi Maríu Sól stærðfræði í 7. – 10. bekk í grunnskóla. Hún var samviskusamur og hæfileikaríkur nemandi í stærðfræði og er ekki ofsagt að hún hafi umtalsverða hæfileika. Ég hef fulla trú á því að það sem hún láti frá sér um stærðfræðinám í grunnskóla eigi erindi við bæði nemendur og kennara.“
- Andri Þór Kristjánsson, stærðfræðikennari í Víkurskóla